金峰南岸 - 現代工業風 (VR睇裝修)

精選
金峰南岸 - 現代工業風 (VR睇裝修)
裝修風格:
loft工業風
裝修公間:
  • 本地設計案例
  • VR 設計
  • 全屋 (家居)
button

今期要介紹嘅單位為澳門金峰南岸兩房單位,實用面積約1138呎,全屋採用水泥灰工業風。全屋大膽以灰色作為主要用色,打破平常以純白色基調為主嘅設計風格,令屋企設計有種煥然一新嘅感覺。客廳墻身設計方面,以淺灰色硅藻泥裝飾墻身,硅藻泥自身帶有嘅質感再搭配灰色,令墻身呈現出水泥風嘅感覺,再配以小紅磚,令整個客廳墻身更有設計感。使用淺灰色亦能解決客廳因使用灰色而帶來明亮度不足嘅問題 。再搭配鐵質嘅家居,提高整體空間質感,俾人一種“硬”嘅感覺,再以木元素作為點綴,令空間有種剛中帶柔嘅感覺。廚房設計方面,採用拼接設計,令廚房墻身更有特色,再搭配穀倉門設計,令廚房空間更為靈活。浴室設計方面,利用文化石去裝飾墻身,提高浴室嘅質感,干濕分離設計亦為業主提供一個舒適嘅沐浴環境。睡房設計方面,以淺灰簡約為主,冇過多嘅設計,以簡單利落為主,從而提高空間嘅闊落感。